Со поддршка на Град Скопје од 15 до 30 мај се реализираше проектот Креативно менторство-работилници.
Работилниците за КРЕАТИВНО МЕНТОРСТВО се наменети за ученици од основните и средните училишта на Град Скопје и имаат за цел да ја сублимираат креативноста и креативните потенцијали како основа за понатамошен успешен раст и развој на младите. Низ серија предавања и практична работа се постигнува повисоко ниво на креативност и инвентивност кај сите пријавени учесници со кои работеа експерти - ментори. Целта на секоја работилница е да финализира со готов производ, а понатаму следи промоција, презентација, поврзување со можни стопански субјекти. На овој начин учениците имаа можност да се вклучат во целокупниот процес на креирање и создавање т.е од идеја до реализација на идејното решение - производ.
Оваа година младите имаа можност да се запознаат со рециклирање на отпад и пренамена во накит, како и со линорез-Врежан израз на младинската креативност.
